Infrastructure at Kalika Sanskrit Vidyapeeth

मिति २०८३/०१/२४ गते कृषि विकास बैंक लिमिटेडबाट विद्यापीठलाई संस्थागत सामाजिक उत्तरदायित्व (CSR) अन्तर्गत कम्प्यूटर तथा कार्यालय सामाग्री हस्तान्तरण कार्यक्रम सम्पन्न भएको छ । https://www.kayakairan.com/news/81775

आज मिति २०८२/०७/३० गते, आइतबार ने.सं.वि. कुलसचिव प्रा. माधव अधिकारीज्यूको प्रमुख आतिथ्यतामा कालिका संस्कृत विद्यापीठमा ज्योतिष परामर्श केन्द्रको उद्घाटन सम्पन्न भएको छ । कालिका संस्कृत विद्यापीठ सञ्चालक समितिका अध्यक्ष आदरणीय श्री ओमप्रसाद सापकोटाज्यूको सभापतित्वमा सम्पन्न कार्यक्रममा ज्योतिष परामर्श केन्द्रको दीगो सेवासहित सफलताका लागि विद्यार्थी प्रतिनिधि श्री गणेश भण्डारी, अभिभावक प्रतिनिधि आदरणीय सावित्री टण्डन, कर्मचारी प्रतिनिधि– ने.सं.वि. कर्मचारी संघ, केन्द्रीय सदस्य– लेखा अधिकृत श्री बेलबहादुर दराई, प्राध्यापक संघ, का.सं.वि. सभापति सहप्रा. डा. मतिप्रसाद ढकाल, कालिका संस्कृत विद्यापीठ प्राचार्य डा. केशवराज चालिसे, ने.सं.वि. कुलसचिव माधव अधिकारी र अध्यक्ष ओमप्रसाद सापकोटाले मन्तव्य राख्नुभयो ।

साथै उक्त अवसरमा शास्त्री प्रथम, द्वितीय, तृतीय र चतुर्थ खण्डमा क्रमशः प्रथम, द्वितीय र तृतीय स्थान हासिल गर्ने विद्यार्थीहरूलाई पुरस्कृत गर्ने कार्यक्रमसमेत भयो ।
ज्योतिष परामर्श केन्द्रद्वारा हुने विविध सेवाका बारेमा विद्यापीठमै प्राध्यापनरत सहप्राध्यापक श्री कपिलदेव भट्टराईले गर्नु भयो भने कार्यक्रम सञ्चालन उपप्राध्यापक पीताम्बर सापकोटाले गर्नुभएको थियो । अव उप्रान्त ज्योतिषसम्बन्धी विविध सेवाहरू सबैका लागि विद्यापीठमा उपलब्ध हुनेछन् ।
जयतु कालिका, जयतु संस्कृतम् ।

शान्त वातावरणमा स्तरीय अध्ययन अध्यापन हुने ने.सं.वि. अन्तर्गतको यस कालिका संस्कृत विद्यापीठमा शास्त्री संस्कृत संकायतर्फ अध्ययन गर्न राष्ट्रिय परीक्षा बोर्ड, संस्कृत संकायतर्फको कक्षा १२ वा सो सरह उत्तीर्ण भएका इच्छुक विद्यार्थीहरूका लागि शास्त्री प्रथम वर्षमा भर्ना खुलेको व्यहोरा सूचित गरिन्छ ।

आज मिति २०८२/०५/१५ गते, आइतबार, ने.सं.वि. शिक्षाध्यक्ष प्रा. भोजराज जोशीको प्रमुख आतिथ्य र विद्यापीठ सञ्चालक समितिका अध्यक्ष आदरणीय ओमप्रसाद सापकोटाको विशिष्ट आतिथ्यमा कालिका संस्कृत विद्यापीठ, अनुसन्धान व्यवस्थापन समिति (Kalika Sanskrit Vidyapeeth, Research Management Cell)को आयोजनमा विद्यापीठ सभाहलमा कालिका प्रभा अंक ३ को लोकार्पण तथा RMC को साधारण सभा सम्पन्न भएको छ । उक्त अवसरमा RMC को कार्यालय उद्घाटन समेत भएको थियो । अनुसन्धान व्यवस्थापन समितिका संयोजक सहप्रा.डा. रामचन्द्र कण्डेलको सभापतित्वमा भएको सो कार्यक्रममा, कार्यक्रम सञ्चालक RMC का सदस्यसचिव सहप्रा. कपिलदेव भट्टराई एवम् स्वागत मन्तव्य नव्यव्याकरण विभागका विभागाध्यक्ष उपप्रा.डा. गोपीनाथ कण्डेलबाट भएको थियो । विद्यापीठ सञ्चालक समितिका अध्यक्ष आदरणीय ओमप्रसाद सापकोटा, विद्यपीठ प्राचार्य डा. केशवराज चालिसे, शिक्षकहरूको तर्फबाट प्राध्यापक संघका सभापति सहप्रा.डा. मतिप्रसाद ढकाल, कर्मचारीहरुको तर्फबाट लेखाअधिकृत बेलबहादुर दराई र विद्यार्थीहरुको तर्फबाट स्व.वि.यु. सभापति अनुप भण्डारीबाट शुभकामना मन्तव्य व्यक्त भए ।
सो अवरमा प्रमुख अतिथिलाई मायाको चिनो स्नेहोपहारस्वरुप दिइएको थियो ।

https://www.facebook.com/share/p/1BqRD2CgC4

मिति २०८१/१२/२७ गते ने.सं.वि. कुलसचिव प्राध्यापक माधव अधिकारीको आकस्मिक आगमन कालिका संस्कृत विद्यापीठमा भयो । उक्त अवसरमा विद्यापीठमा कार्यरत शिक्षक तथा कर्मचारीहरूबीच नेपाल संस्कृत विश्वविद्यालयका अल्पकालीन तथा दीर्घकालीन समस्या, चुनौति तथा अवसरका विषयमा घनिभूत छलफल भयो । कालिका संस्कृत विद्यापीठका अध्यक्ष आदरणीय ओमप्रसाद सापकोटाज्यूको अध्यक्षतामा भएको उक्त कार्यक्रममा नव वर्ष २०८२ आरम्भको सुअवसरमा शुभकामना आदानप्रदानसमेत भएको थियो । विद्यापीठ प्रशासन छलफलमा उठेका सबै विषयमा अवसर खोजिरहेको छ ।

विद्यापीठका नवनियुक्त प्राचार्य डा. केशवराज चालिसेज्यूलाई बधाई दिँदै ने.सं.वि. उपकुलपति प्रा.डा. धनेश्वर नेपाल ।

मंसिर २५, नेपाल संस्कृत विश्वविद्यालय स्थापना दिवसका अवसरमा ने.सं.वि.अन्तर्गतका आङ्गिक विद्यापीठ क्याम्पसहरूमा बिदा हुने प्रचलन रहेकाले भोलि मिति २०८१ मंसिर २५ गते विद्यापीठ बिदा हुने व्यहोरा सबैमा सूचित गरिन्छ ।

Here is the pdf file which you can view or download.